1/1

Кудымкар – коми-пермяккезлöн важ поселенне. Аркмис, натьтö, не серöнжык XV векся. Первуись касьтылöм кыдз деревня И. И. Яхонтовлöн писцовöй книгаын 1579 годö.

1609 – д. Кудымкор лоö неыджыт деревенскöй округалöн центрöн.

1623-1775 годдэз – Кудымкар лоö погостöн – этö Русскöй царствоын административно-территориальнöй единица 1647 годö Николай Чудотворец нима пуовöй храм строитöмöн. Позьö лыддьыны, что эта кадсянь д. Кудымкор лоö посадöн,  но кольччö погостлöн центрöн.

1781-1923 годдэз – село Кудымкор – Пермскöй губерниялöн Соликамскöй уездiсь Кудымкарскöй волостьлöн центр.

1925-2005 год – село, городскöй типа поселок, город Кудымкар вöлi Кудымкарскöй районлöн, Коми-Пермяцкöй округлöн (1977-2005) центрöн.

Январь 1 лунö 2006 годö – город Кудымкар лоö городскöй округöн и Кудымкарскöй районлöн административнöй центрöн.